స్టార్ మా టీవీలో ప్రసారమవుతున్న సీరియల్ 'కృష్ణ ముకుంద మురారి'. ఈ సీరియల్ సోమవారం నాటి ఎపిసోడ్ -474 లో.. కృష్ణ, మురారి కలిసి మీరా కోసం చూస్తుంటారు. అప్పుడే మీరా వస్తుంది. మీరా రాత్రంతా ఎక్కడికి వెళ్లిపోయావ్. అసలే ఒట్టి మనిషివి కూడా కాదు. చెప్పా పెట్టకుండా అలా వెళ్లిపోతే అందరూ ఏమనుకుంటారు. ఎంత కంగారుగా ఉంటుందని కృష్ణ అనగా.. ఒక మాట మాతో చెప్పి వెళ్తే ఏమవుతుందని మురారి అంటాడు.

ముకుంద కృష్ణకు ఓ లెటర్ ఇచ్చి చదవమని చెప్తుంది. అది చూసి కృష్ణ షాక్ అయి పోయి అలా ఉండిపోతుంది. కృష్ణని చూసి ఆ లెటర్ తీసుకొని చదివి కోపంతో మీరాని చూస్తాడు. కృష్ణ.. మీరా చెంప పగలగొడుతుంది. కృష్ణ కొట్టడం రెస్టారెంట్‌లో అందరూ చూశారని మీరా మా ఫ్రెండ్‌షిప్‌లో ఇవన్నీ కామన్ మీ పని మీరు చూసుకోండని అంటుంది. ఇక లెటర్ చదివిన కృష్ణ కుప్పకూలుతుంది. ఎంత పని చేశావే నా బిడ్డను నీ కడుపులో చల్లగా చూసుకుంటావని పెంచుతానని మాట ఇచ్చి గర్భం తీయించుకుంటావా. నా బిడ్డను పొట్టన పెట్టుకునే హక్కు నీకు ఎవరు ఇచ్చారు. ఎవర్నీ అడిగి చేశావని మీరాని కృష్ణ నిలదీయగా.కారణం నువ్వే కృష్ణ నీ కోసమే చేశానని మీరా అంటుంది. పిచ్చి పిచ్చిగా వాగకు. నా కోసం నా బిడ్డను నాకు కాకుండా చేయడమేంటని కృష్ణ అంటుంది. అర్థం లేకుండా మాట్లాడకు మీరా ఎందుకు ఇంత పిచ్చి పని చేశావని మురారి అంటాడు. నిజం మురారి గారు కృష్ణ కోసం ఆలోచించి ఈ నిర్ణయం తీసుకున్నాను. నా కడుపులో బిడ్డ ఉండటం కంటే తీసేస్తేనే కృష్ణకు మంచిది అని ఇలా చేశానని మీరా అంటుంది. చంపేస్తాను ఇంకోసారి ఆ మాట అన్నావు అంటే. నా బిడ్డ లేకుండా పోవడానికి నేను కారణం కావడం ఏంటి. ఆ బిడ్డ కోసం ఎన్ని పాట్లు పడ్డానో తెలుసా. నాకు ఆ యోగం లేదు అని ఎంత కుమిలిపోయానో తెలుసా. మా మానాన మేం మా కోసం ఎవరో ఒక మంచి ఆవిడ దొరకకపోతుందా మా బిడ్డను మోయకపోతుందా అని ఎదురు చూస్తుంటే సంబంధం లేకుండా మధ్యలో వచ్చి నా అనుమతి లేకుండానే నా బిడ్డను నీ కడుపులో వేసుకొని ఇప్పుడు ఏదో కారణంతో తీసేసి నేనే కారణం అంటావేంటని కృష్ణ అడుగగా..  అవును నువ్వే కారణం. నీ బాధ చూడలేకే నేను బిడ్డను తీసేశాను. గర్భం ఉంది గర్బం ఉంది అని ఎన్ని రోజులు నాటకం ఆడతావు. ఎప్పుడు నిజం బయట పడుతుందా అని ఎన్ని రోజులు బాధ పడతావ్. మోసం చేస్తున్న అన్న గిల్టీతో ఎన్ని రోజులు ఇబ్బంది పడతావ్. ఇప్పుడు బిడ్డ లేదు వెళ్లి చెప్పేసేయ్. ఏదో కారణం వల్ల నీ గర్భం పోయిందని ఏ గోల ఉండదు. ఇంకా సానుభూతి కూడా వస్తుందని మీరా అంటుంది. 

మాకొక మాట చెప్పాలి కదా.. ఎందుకిలా చేశావంటు కృష్ణ, మురారి శోకసంద్రంలో ఉంటారు. అరే నా ఉద్దేశం అది కాదని చెప్తుంటే మీరు నమ్మరేంటి. సరే చెప్తా విను.. రాత్రి నువ్వు భవాని మేడంతో మాట్లాడింది అంతా నేను విన్నాను. నాకు టెస్ట్ చేసి నేను గర్భవతిని అని తెలిస్తే ఏమవుతుందా అని నువ్వు పడ్డ బాధ నేను చూశాను. ఒక వేళ నీ చేత్తో నీ బిడ్డను తీయాల్సి వస్తే నువ్వు తట్టుకోలేవని నేను తీసేశా. ఇదంతా నీ మంచి కోసమే చేశా. నువ్వు నమ్మకపోతే నేను ఏం చేయలేనని మీరా చెప్పేసి వెళ్లిపోతుంది. ఇక కృష్ణ ఏడుస్తుంటే మురారి ఓదారుస్తాడు. రజిని ఒంటరిగా కూర్చొని ఉంటే భవాని వచ్చి ఏమైందని అడుగుతుంది. భవాని తన కూతురు గురించి చెప్పి బాధ పడుతుంది. సంగీతకు బంగారం లాంటి భర్తని తీసుకొచ్చి తాను దగ్గరుండి పెళ్లి చేస్తానని భవాని అంటుంది. ఇక అందరూ కింద కూర్చొని భోజనం చేస్తారు. కృష్ణ మురారిలు కూడా వస్తారు. వాళ్లని చూసి కృష్ణ అప్పుడే పెళ్లి కల వచ్చేసింది అని అందరూ సంతోషంగా ఉన్నారని ఇక పెళ్లి ఆపాల్సిన అవసరం లేదని అంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.